د رحیمه « پشتونجار» لیکنه

غـــزل

زه داسې ورکه په غربت کې درنه لـيرې ښـــــــــه يم

زړه ته نږدې خو په فـرقت کې درنه ليرې ښـــــــه يم

زه د وطن نـه ستـــــا د ژونــد نه ســتا دکلــي لــيرې

پنـــاه د مـــــــخې په هــجرت کې درنه ليــرې ښه يم

خوږه ګناه يـمـــــــــــه په غــاړه به دې څــه پـريــوځــم

د مات  کچکول  په سخاوت کې  درنه  لـيرې  ښه يم

ولې مــې بــولې د شــــــــــاعــر د تخــيل زنــدان  تــه

ستا د غــزل د درد لــــــــذت کې درنه  ليــرې  ښــه يم

زه ماتـه ماتــه يــم لـمـبه يم دســــپرغــــــــــو چــغه يم

د ديــدنونو په الفـــت کې درنه لــيرې ښـــــــــــــه يــم

رحیمه «  پشتونجار »

د سعید افغاني د سولی او تفاهم نشراتي ارګان  
 د نشراتي بورد  تر څـارنی لاندی  خپریږی .

مؤسس    :  د حق دلاری کلتوري مرکز
مسؤول مدیر: برهـان الدین  « سعیدی »

د تأسیس کال: